काठमाडौं। स्वास्थ्य बीमा बोर्ड ले आफ्नो नाम र लोगो दुरुपयोग गरी सामाजिक सञ्जालमा सञ्चालन भइरहेका अनधिकृत पेज तथा समूहप्रति ध्यानाकर्षण भएको जनाएको छ।

बोर्डका अनुसार फेसबुक, टिकटक र युट्युब जस्ता प्लेटफर्ममा गलत तथा भ्रामक सूचना फैलाउने पेजहरूले सर्वसाधारणमा भ्रम सिर्जना गरिरहेका छन्।

त्यस्ता अनधिकृत पेज तथा समूहहरूलाई सूचना प्रकाशित भएको मितिले २४ घण्टाभित्र हटाउन बोर्डले निर्देशन दिएको छ। निर्देशन पालना नगरेमा प्रचलित कानुन अनुसार आवश्यक कारबाही अघि बढाइने चेतावनीसमेत दिइएको छ।

यसैबीच, बोर्डले आफ्ना आधिकारिक सामाजिक सञ्जाल खाताबाट मात्र सही सूचना लिन सर्वसाधारणलाई आग्रह गरेको छ।