काठमाडौं । प्रधानमन्त्री बालेन्द्र शाहले आउँदो शनिबार र आइतबार देशभरका अतिक्रमित सुकुम्बासी बस्ती खाली गराउने निर्देशन सुरक्षा निकायका प्रमुखहरूलाई दिएका छन्।

आजदेखि गृह मन्त्रालयको जिम्मेवारी पनि सम्हालेका प्रधानमन्त्री शाहले साँझ सुरक्षा निकायका शीर्ष अधिकारीहरूसँगको बैठकमा तत्काल काठमाडौँ उपत्यकाबाट अभियान सुरू गर्न आदेश दिएको प्रधानमन्त्री कार्यालय स्रोतले जनाएको छ।

मेयरका रूपमा कार्यरत हुँदाखेरी पनि शाहले काठमाडौँका सुकुम्बासी बस्ती हटाउने पहल गरेका थिए। तर त्यतिबेला ती बस्तीका बासिन्दाले गरेको कडा प्रतिरोधका कारण अभियान सफल हुन सकेको थिएन।