काठमाडौं । बिहीबार पनि सुन–चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको भाउ प्रतितोला १ हजार ८ सय रुपैयाँले घटेर २ लाख ९८ हजार ७ सय रुपैयाँमा झरेको छ। अघिल्लो दिन यो मूल्य ३ लाख ५ सय रुपैयाँ थियो।

गत बिहीबार प्रतितोला ३ लाख २ हजार ८ सय रुपैयाँमा कारोबार भएको सुन, लगातार घट्दै आज २ लाख ९८ हजार ७ सय रुपैयाँमा समायोजित भएको महासंघले जनाएको छ।

यस्तै चाँदीको मूल्य पनि आज ११० रुपैयाँले घटेको छ। प्रतितोला ५ हजार २० रुपैयाँ तय गरिएको चाँदी अघिल्लो दिन ५ हजार १३० रुपैयाँमा कारोबार भएको थियो। गत बिहीबार भने यसको मूल्य प्रतितोला ५ हजार २८० रुपैयाँ रहेको थियो।