देशको अन्तिम राजा ज्ञानेन्द्र शाह गणतन्त्र दिवसकै दिन पोखरा पुगेका छन् । परिवारसहित त्यहाँ पुगेका उनलाई स्वागत गर्दै राजतन्त्रपक्षधरहरूले ‘राजा आऊ, देश बचाऊ’को नारा लगाए ।

उनी फेरि राजा हुन खोजिरहेका छन् । तर, उनी राजा हुने व्यवस्था राजतन्त्र छैन । जनताको छोराछोरी पनि यो देशको राष्ट्रप्रमुख हुने व्यवस्था गणतन्त्र छ । ज्ञानेन्द्रलाई फेरि राजा बनाउँछु भन्ने दल राप्रपामा कचिङ्गल छ ।

अध्यक्ष राजेन्द्र लिङ्देन नै गणतन्त्रको कार्यान्वयन गर्ने गणतन्त्रवादी नेता प्रचण्डको सरकारमा जान्छन् । उनी एजेन्डा बोक्छन् राजतन्त्रको र सत्तााको लाभ लिन्छन्– गणतन्त्रको ।

पार्टी एजेन्डा र कार्यनीतिमा पटक्कै तालमेल नमिलेपछि ज्ञानेन्द्रलाई राजा ल्याउने भन्ने राजेन्द्र लिङ्देनको दल राप्रपाको गत चुनावमा कन्तविजोक भयो ।

यसपछि देशको अन्तिम राजा ज्ञानेन्द्र राजतन्त्रको पक्षमा देशको मूख्य सहरी क्षेत्रमा आफैं माहोल बनाउन लागेको कतिपयको विश्लेषण छ ।

गत वर्षको २७ माघमा पोखरादेखि नै काठमाडौं आउँदा त्रिभुवन विमानस्थल आसपास ठूलो संख्यामा समर्थकहरू भेला भएका थिए ।