रुदै सुकुमवासी बस्ती छाड्दै भन्छिन्- ‘छोराछोरी रोइराखेका छन् खाना खाएका छैनन्’ (भिडियो)
Nepal One HD ११ वैशाख २०८३ १४:३५
काठमाडौं। सरकारले उपत्यकाका नदी किनारमा रहेका सुकुम्बासी बस्ती खाली गर्ने तयारी गरेसँगै प्रभावित स्थानीयहरू बस्ती छाड्न बाध्य भएका छन्।
बस्ती खाली गर्ने निर्देशनसँगै कतिपय परिवारहरू रुँदै आफ्नो घरजस्तो बसोबास छाड्न बाध्य भएका हुन् ।
सोही क्रममा बस्ती छाड्दै गरेकी एक स्थानीय महिलाले भावुक हुँदै भनिन्, ‘छोराछोरी रोइराखेका छन्, खाना खाएका छैनन्।’
उनले आफुहरुलाई सरकारले तल्लो दर्जाको नागरिकको व्यवहार गरेको बताइन।
सरकारले सुकुम्बासी बस्ती खाली गराउने निर्णय गरे संगै प्रधानमन्त्री बालेन्द्र शाहको चौतर्फी आलोचना हुन थालेको छ।
सरकारको निर्देशनअनुसार प्रहरीले बिहीबार साँझदेखि नै प्रभावित क्षेत्रमा माइकिङ सुरु गरेको थियो। सुकुम्बासीहरूलाई शुक्रबार साँझसम्म बस्ती खाली गर्न सूचना दिइएको छ।
शुक्रबार दिनभर पुनः माइकिङ जारी राखिने र शनिबार बिहानैदेखि डोजर चलाउने तयारी गरिएको जनाइएको छ।
भिडियो:
