काठमाडौं। साताको अन्तिम कारोबार दिन शुक्रबार नेपाल स्टक एक्सचेन्ज (नेप्से) परिसूचक झिनो अंकले वृद्धि भएको छ। यस दिन नेप्से परिसूचक १.५४ अंकले बढ्दै २७८८.७० विन्दुमा पुगेको छ।

अघिल्लो कारोबार दिन नेप्से १७.०१ अंकले घटेको थियो। समग्रमा यो साता बजारमा गिरावट देखिएको छ। नेप्सेका अनुसार यो साता बजार ४९.७ अंकले घटेको हो। गत साताको अन्तिम कारोबार दिन नेप्से २८३८.४० विन्दुमा थियो।

यस दिन कारोबार रकम भने सामान्य वृद्धि भएको छ। अघिल्लो दिन ५ अर्ब ९ करोड रुपैयाँ बराबरको कारोबार भएकोमा शुक्रबार ५ अर्ब २७ करोड रुपैयाँ पुगेको छ।

नेप्सेका अनुसार आज १६८ कम्पनीको सेयर मूल्य घट्दा ८७ कम्पनीको बढेको छ। यसैगरी, तीन कम्पनी-पाल्पा सिमेन्ट, शिखर पावर र माईखोला हाइड्रोको सेयर मूल्यमा सकारात्मक सर्किट (१५ प्रतिशत) लागेको छ।