काठमाडौं । अध्यादेशसम्बन्धी बढ्दो विरोधपछि राष्ट्रिय स्वतन्त्र पार्टी (रास्वपा)ले आफ्ना सांसदहरूसँग आन्तरिक छलफल गर्ने तयारी गरेको छ।

सरकारले मंगलबार दुईवटा अध्यादेश राष्ट्रपतिसमक्ष सिफारिस गरेको थियो। संसदलाई छलेर अध्यादेश अघि बढाएको भन्दै सरकार व्यापक आलोचनाको लक्ष्य बनेपछि रास्वपाभित्र पनि यसबारे गम्भीर समीक्षा आवश्यक भएको बताइएको छ। यही विषयमा विचार विमर्श गर्न पार्टीले सांसदहरूसँग अनौपचारिक छलफल आयोजना गर्ने भएको हो।

छलफल सिंहदरबारस्थित संसदीय दलको कार्यालयमा आयोजना गरिएको छ। उपत्यकामा रहेका सांसदहरुलाई बैठकमा उपस्थित हुन आग्रह गरिएको पार्टी स्रोतले जनाएको छ।