काठमाडौं ।  प्रतिनिधि सभा सदस्य महावीर पुन मन्त्री बन्ने चर्चा सुरु भएको छ। स्रोतका अनुसार उनले आफ्नो मनपर्ने मन्त्रालय पाउन सक्रिय रूपमा प्रयास गरिरहेका छन्।

सरकारले मन्त्रालयहरूको संरचना पुनःनामांकन र कार्यक्षेत्र निर्धारण गर्ने क्रममा केही आर्थिक र प्राविधिक क्षेत्रको जिम्मेवारी महाबिरले लिने सम्भावना बढेको राजनीतिक विश्लेषकहरूको भनाइ छ। उनी लगातार आफ्नो निकट वृत र नेताहरूबीच मन्त्रालयको विषयमा ‘अनुकूल वातावरण’ बनाउन खोजिरहेको देखिन्छ।

मन्त्रालय नामसहित संरचना परिवर्तनको प्रक्रिया अन्तिम चरणमा पुगेपछि पुनले मन्त्री पदको शपथ पुनःग्रहण गर्ने सम्भावना बलियो बन्दै गएको छ। यदि मन्त्रालयको नाम परिवर्तन र संरचना पुनर्गठन सरकारकै मनसुबाअनुसार टुंगो लाग्यो भने महाबिर दोश्रो पटक सत्तारोहण गर्न सक्ने अनुमान गरिएको छ।