काठमाडौं । प्रधानमन्त्री बालेन्द्र शाहनिकट रास्वपा महामन्त्री भूदेव शाहनिकटका युवराज खड्काविरुद्ध पक्राउ पुजी जारी भएको छ ।

उनी जेन–जी अभियन्ता भन्दै सरकारी कर्मचारी र जनप्रतिनिधिलाई थर्कमान गर्दै खड्का हिँड्थे । उनको घर सल्यानको कुमाख गाउँपालिका–६ हो । उनीविरुद्ध जिल्ला अदालत सल्यानले साइबर अपराधसम्बन्धी कसुरमा पक्राउ पुर्जी जारी गरेको हो ।

उनी प्रधानमन्त्री बालेननिकट महामन्त्री भूदेवको प्रिय पात्र भएकै आडमा जनप्रतिनिधि र कर्मचारीलाई सामाजिक सञ्जालबाटै गाली बर्साउँथे । धाकधक्कु लगाउँथे ।

तर, उनलाई प्रधानमन्त्री बालेन नै गृहमन्त्रीसमेत रहेको हुनाले आफ्ना महामन्त्री भूदेव निकटका युवराज खड्कालाई पक्राउ गराउँछन् कि गराउँदैनन् ? त्यो भने हेर्न बाँकी छ ।

खड्काबाट हत्तु हैरानी बेहोरेपछि सल्यानकै बागचौर नगरपालिकाका प्रमुख जनकराज गौतमले जाहेरी दिएका थिए ।

खड्कालाई जेन–जीको नाम बेच्दै सल्यानमा व्यापक पैसा उठाएको आरोप छ ।