काठमाडौं । धोबी खोला करिडोर आसपासका अतिक्रमित जग्गामा बनेका संरचनामा डोजर चलाउन सुरु गरिएको छ। डोजर आउने सूचना पाएपछि स्थानीय बासिन्दाले आफ्ना घरका भित्तामा जग्गाधनी प्रमाणपत्र (लालपूर्जा) टाँस्न थालेका छन्।

अतिक्रमण हटाउने अभियान तीव्र भएपछि वैधानिक कागजात भएका घरधनीहरू समेत आफ्नो घर भत्किन सक्ने त्रासमा देखिएका छन्। सोही डरका कारण उनीहरूले आफ्नो स्वामित्व प्रमाणित गर्न घरको बाहिरी भागमै कागजात टाँसेका हुन्।

स्थानीयका अनुसार अनधिकृत संरचना हटाउने क्रममा स्पष्ट पहिचान नहुँदा वैधानिक घरमा समेत असर पर्न सक्ने आशंका बढेको छ। यसले क्षेत्रका बासिन्दामा अन्योल र त्रासको अवस्था सिर्जना गरेको छ।