काठमाडौं। नेपाली बजारमा पछिल्लो एक सातादेखि सुन–चाँदीको मूल्यमा निरन्तर उतार–चढाव जारी छ। साताको सुरुवातमै सुरु भएको घटबढ क्रम अन्तिम दिन शुक्रबारसम्म आइपुग्दा पनि रोकिएको छैन।

वैशाख १३ गते सुनको मूल्य २ लाख ९९ हजार २०० रुपैयाँ थियो। भोलिपल्ट, वैशाख १४ मा, यो मूल्य साताकै उच्च बिन्दु ३ लाख ५ सय रुपैयाँ पुगेको थियो। तर सोही दिनपछि सुनको भाउ क्रमशः ओरालो लाग्दै वैशाख १७ गते २ लाख ९२ हजार ७ सय रुपैयाँमा झर्‍यो।

साताको अन्तिम दिन, वैशाख १८ गते भने मूल्यमा केही सुधार हुँदै सुन २ लाख ९६ हजार १ सय रुपैयाँमा बन्द भएको छ। समग्रमा हेर्दा एक सातामा सुन ३१ सय रुपैयाँले सस्तो भएको छ।

यस्तै चाँदीमा पनि सुनकै जस्तै उतार–चढाव देखियो। वैशाख १४ गते चाँदी साताकै उच्च मूल्य ५ हजार ४५ रुपैयाँमा पुगेको थियो। वैशाख १७ मा यो झरेर ४ हजार ८ सय १० रुपैयाँमा पुगेको थियो।

अन्तिम दिन वैशाख १८ गते चाँदीको मूल्य केही उक्लिएर ४ हजार ९ सय ४५ रुपैयाँमा स्थिर भएको छ।