काठमाडौं । कैलालीको धनगढीस्थित विभिन्न होटलबाट प्रहरीले ३० जनालाई नियन्त्रणमा लिएको छ।

धनगढी उपमहानगरपालिका वडा नम्बर १, ३, ७ र ८ मा रहेका छ वटा होटलबाट १७ महिला र १३ पुरुषलाई पक्राउ गरिएको हो।

जिल्ला प्रहरी कार्यालय कैलालीका प्रहरी नायब उपरीक्षक योगेन्द्र तिमिल्सिनाको कमान्डमा खटिएको टोलीले उनीहरूलाई नियन्त्रणमा लिएको हो।

प्रहरीका अनुसार ब्ल्याक स्टोन कटेजबाट सात, सम्झना होटलबाट चार, एएम एन्ड ए होटलबाट पाँच, प्रिन्स होटलबाट पाँच, कर्णाली होटलबाट छ र एभरेस्ट होटलबाट तीन जना पक्राउ परेका छन्।

डीएसपी तिमिल्सिनाले गलत गतिविधिमा संलग्न भएको आशंकामा सोधपुछका लागि उनीहरूलाई नियन्त्रणमा लिइएको बताएका छन्।