काठमाडौं । पोखरामा सुकुमवासीहरूले प्रधानमन्त्री बालेन्द्र शाह (बालेन) को राजीनामा माग्दै प्रदर्शन गरेका छन्।

आन्दोलनमा सहभागी सुकुमवासीहरूले ‘डोजर आतंक बन्द गर’ भन्ने नारा लगाउँदै सडकमा विरोध प्रदर्शन गरेका हुन्। उनीहरूले बस्ती हटाउने कार्यलाई अमानवीय भन्दै तत्काल रोक्न माग गरेका छन्।

प्रदर्शनकारीहरूले सरकार तथा सम्बन्धित निकायले वैकल्पिक व्यवस्था बिना बस्ती भत्काउने कार्य गरिरहेको आरोप लगाउँदै त्यसको विरोध गरेका छन्। साथै, सुकुम्वासी समस्या समाधानका नाममा भइरहेको कारबाही पुनर्विचार गर्न पनि उनीहरूले आग्रह गरेका छन्।