काठमाडौं।  मंगलबार सेयर बजारमा नेप्से परिसूचक उकालो लागेको छ। नेप्से ८.७८ अंकले वृद्धि भई २,७१२.८६ बिन्दुमा पुगेको हो।

आज तीन सय ३५ कम्पनीका कुल ७७ लाख ३४ हजार १२ कित्ता सेयर ६२ हजार २५ पटक किनबेच हुँदा कारोबार रकम ३ अर्ब ४३ करोड ९० लाख ६८ हजार ३९२ रुपैयाँ पुगेको नेप्सेले जानकारी दिएको छ।

उपसूचकतर्फ, जीवन बीमा ०.१०%, उत्पादन तथा प्रशोधन ०.६३%, म्युचुअल फन्ड ०.४४% र अन्य समूह ०.०८% ले वृद्धि देखाए।

यता, विकास बैंक ०.०४%, वित्त ०.१२%, होटल तथा पर्यटन ०.०५%, लघुवित्त ०.२१% तथा निर्जीवन बीमा ०.१२% ले गिरावट दर्ज गरेको नेप्सेले जनाएको छ।