काठमाडौं । बुधबार नेपाली बजारमा सुन चाँदीको मूल्य वृद्धि भएको छ। नेपाल सुनचाँदी व्यवसायी महासंघको अनुसार आज सुनको मूल्य प्रतितोला ५ हजार ८ सय रुपैयाँले बढेर २ लाख ९६ हजार ८ सय रुपैयाँमा पुगेको छ। 

अघिल्लो दिन यसैको कारोबार मूल्य २ लाख ९१ हजार रुपैयाँ रहेको थियो। गत बुधबार भने सुन प्रतितोला २ लाख ९४ हजार ५ सय रुपैयाँमा कारोबार भएको थियो।

यसैगरी, चाँदीको मूल्य पनि आज बढेको छ। अघिल्लो दिन प्रतितोला ४ हजार ८८० रुपैयाँमा कारोबार भएको चाँदी आज १७५ रुपैयाँले बढेर ५ हजार ५५ रुपैयाँमा पुगेको छ। गत बुधबार चाँदीको मूल्य प्रतितोला ४ हजार ९१५ रुपैयाँ थियो।