काठमाडौं । काठमाडौं उपत्यका अपराध अनुसन्धान कार्यालयको टोलीले बैंकिङ कसुर (चेक अनादर) मुद्दामा फरार रहेकी एक महिलालाई पक्राउ गरेको छ।

प्रहरीका अनुसार तेह्रथुमको फिदिम नगरपालिका-४ घर भएकी ५८ वर्षीया सलिजा कन्दङवालाई काठमाडौँ महानगरपालिका-३१ भीमसेनगोला क्षेत्रबाट पक्राउ गरिएको हो।

कार्यालयका प्रवक्ता प्रहरी उपरीक्षक रामेश्वर कार्कीका अनुसार दीपक विश्वकर्माको जाहेरीका आधारमा कन्दङवालाई नियन्त्रणमा लिइएको हो। उनीविरुद्ध चेक अनादरसम्बन्धी मुद्दामा करिब ४० लाख रुपैयाँ बिगो रहेको बताइएको छ।

पक्राउ परेकी कन्दङवालाई आवश्यक कानुनी प्रक्रिया पूरा गरी फैसला कार्यान्वयनका लागि जिल्ला अदालत पाँचथर पठाइएको प्रहरीले जनाएको छ।