काठमाडौं। फिफा विश्वकप २०२६ अन्तर्गत जुन ११ देखि सुरु हुने प्रतियोगिताका लागि स्वीडेनले २६ सदस्यीय टोली घोषणा गरेको छ । मुख्य प्रशिक्षक ग्राहम पोटर ले घोषणा गरेको टोलीमा स्टार फरवार्डहरू भिक्टोर ग्योकेरेस र अलेक्जान्डर इसाक समावेश छन् ।

टोलीमा ताहा अली, अलेक्जान्डर बर्नहार्डसन, एन्थोनी एलाङ्गा, गुस्ताफ निल्सन, यासिन आयारी, लुकास बर्गभाल, जेस्पर कार्लस्ट्रोम, बेन्जामिन नाइग्रेन, केन सेमा, माथियास स्वानबर्ग र बेसफोर्ट जेनेली पनि रहेका छन् ।

यस्तै, डिफेन्स लाइनमा हाल्मार एक्दाल, गाब्रिएल गुडमुन्डसन, इसाक हिएन, एमिल होल्म, गुस्ताफ लागेरबिएल्के, भिक्टर लिन्डेलोफ, एरिक स्मिथ, कार्ल स्टारफेल्ट, एलियट स्ट्राउड र डानिएल स्वेन्सनले स्थान बनाएका छन् ।

गोलकिपरमा भिक्टर जोहान्सन, क्रिस्टोफर नोर्डफेल्ट र ज्याकोब जेटरस्ट्रोम समावेश छन् ।