काठमाडौं। लालीबजार को प्रदर्शन रोक्न माग गर्दै दायर गरिएको निवेदन ‘हेर्न नमिल्ने’ न्यायाधीशको बेन्चमा परेको छ ।

सर्वोच्च अदालतका न्यायाधीशद्वय टेकप्रसाद ढुंगाना र शान्तिसिंह थापा को संयुक्त इजलासमा उक्त निवेदनमाथि सुनुवाइका लागि पेसी तोकिएको थियो ।

तर ‘हेर्न नमिल्ने’ अवस्था परेपछि अर्को दिनका लागि सुनुवाइको पेसी तोक्न आदेश भएको छ ।

चलचित्रमा प्रयोग गरिएका केही शब्दले वादी समुदायका महिलालाई अपमानित गरेको भन्दै डा. रोशनी नेपाली ले उच्च अदालत पाटनको आदेश बदर गर्न माग गर्दै सर्वोच्च अदालतमा निवेदन दिएकी हुन् ।