काठमाडौं। जी.ओ. अटोमोबाइल्स प्रालिले नेपालमा एमजी मोटर इन्डियाको नयाँ एसयूभी ‘एमजी हेक्टर’ औपचारिक रूपमा सार्वजनिक गरेको छ । प्रारम्भिक मूल्य ६६.९९ लाख रुपैयाँ तोकिएको कम्पनीले जनाएको छ ।

काठमाडौंको थापाथलीस्थित एमजी शोरुममा आयोजित कार्यक्रममा गाडी सार्वजनिक गर्दै बिक्री-वितरण समेत सुरु गरिएको हो ।

कम्पनीका अनुसार पछिल्लो समय बजारमा ल्याइएका एमजी विन्डसर र एमजी कमेटको सफलतापछि नयाँ मोडेलका रूपमा एमजी हेक्टर नेपाली बजारमा ल्याइएको हो ।

नयाँ एसयूभीलाई आधुनिक डिजाइन, प्रविधियुक्त सुविधा र सेग्मेन्टअनुसारका विशेषतासहित प्रस्तुत गरिएको कम्पनीको भनाइ छ ।