फुटबल विश्वकपमा जर्सीमा रहेको तारा च्याम्पियन बनेको प्रतीक हो। स्पेनले हालसम्म एउटा मात्र तारा जितेको छ। अर्थात स्पेनले अहिलेसम्म एकचोटी विश्वकप जितेको छ।

सन् २०१० को त्यो ऐतिहासिक जितपछि स्पेनी फुटबलप्रेमी अर्को विश्वकपको खोजीमा छन्। सन् २०२६ को विश्वकप स्पेनको लागि दोस्रो विश्वकप जित्ने सुनौलो अवसर  बन्न सक्छ।

सन् २०२४ को युरो कपमा स्पेनले अविस्मरणीय प्रदर्शन गर्यो। लुइस डे ला फुएन्तेको टोलीले ७ खेलमा ७ जित हात पार्दै कीर्तिमानी १५ गोल र १० भिन्न गोलकर्ता बनायो। फाइनलमा मिकेल ओयारजाबालको विजयी गोलले स्पेन चौथो पटक युरोपेली च्याम्पियन बन्यो। परम्परागत मिडफिल्डको नियन्त्रण र दुई विस्फोटक विङ्गर लामिन यामाल र निको विलियम्स को ठाडो आक्रमण युरोमा स्पेनको सफलताको कारण बन्न पुग्यो।

तर अहिले यी दुवै खेलाडी ह्यामस्ट्रिङ चोटबाट ग्रसित छन्। उनीहरूको अनुपलब्धताले स्पेनको आक्रमणलाई सुस्त र सीमित बनाउन सक्छ। प्रशिक्षकले पहिलो दुई खेल (केप भर्डे र साउदी अरेबियाविरुद्ध) मा जोखिम उठाउने छैनन्, किनकि त्यहाँ अर्को खेलाडीले सजिलै प्रतिस्थापन गर्न सक्छन्। डानी ओल्मो जस्तो बहुउपयोगी मिडफिल्डरले कुनै पनि स्थान खेल्न सक्छन्।

सन् १९३४ मा स्पेनले पहिलो पटक विश्वकप खेलेको थियो। सन् १९५० मा चौथो स्थान हासिल गर्यो। त्यसपछि भने लामो समयसम्म स्पेनले विश्वकपमा अपेक्षित परिणाम हात पार्न सकेन । सन् १९६२ देखि १९९० सम्म ऊ कहिले समूह चरणमै बाहिरियो, कहिले क्वार्टरफाइनल पार गर्न सकेन। स्पेनले विश्वकपको पेनाल्टी शूटआउटमा ४ पटक हार ब्यहोरेको छ, जुन कुनै राष्ट्रको तुलनामा सबैभन्दा धेरै हो।

सन् २००८ मा युरो जितेपछि स्पेनी फुटबल ‘टिकी-टाका’ रणनीतिमा एक्कासी विश्वकै सर्वश्रेष्ठ बन्यो। सन् २०१० को विश्वकप फाइनलमा एन्ड्रेस इनियेस्टा को गोलले स्पेनलाई पहिलो पटक विश्व च्याम्पियन बनायो। त्यो टोलीमा रियाल म्याड्रिड र बार्सिलोनाका एक जना बाहेक सबै खेलाडी थिए। तर आजको स्पेनी टोली ठीक उल्टो छ। हालको विश्वकपको स्पेनी टोलीमा एक जना पनि रियाल म्याड्रिड खेलाडी छैनन्।  यो इतिहासमा पहिलो पटक हो। प्रशिक्षक डे ला फुएन्तेले पहिल्यै भनिसकेका छन्: “म खेलाडीको क्लब हेर्दिन, केवल ऊ उपयोगी छ कि छैन हेर्छु।”

यो विश्वकपमा मिडफिल्ड र गोलकिपिङमा स्पेनसँग विश्वकै उत्कृष्ट गहिराइ छ। फाबियन रुइज (पीएसजी) ले युरोमा विपक्षीको अन्तिम तेस्रो भागमा १४ पटक जित हात पारेका थिए- जुन अरु कुनै खेलाडीको दोब्बर थियो। मिकेल ओयारजाबाल २९ वर्षको उमेरमा झन् प्रभावकारी बन्दै छन्। युरोको फाइनलमा बेंचबाट आएर विजयी गोल गरेका उनले क्वालिफायरमा ६ गोल गरे। यो विश्वकपमा फुटबल जगतको नजरमा परेका अर्का स्पेनी तारा हुन्- लामिन यामाल।  युरोमा १६ वर्षको उमेरमा गोल गर्ने इतिहास रचेका उनले बार्सिलोनाबाट ४५ खेलमा २४ गोल र १७ असिस्ट गरेका छन्।

युरो कप जितेको दुई वर्षपछि विश्वकप जित्ने परम्परा अत्यन्तै दुर्लभ छ। सन् १९९० पछि युरो च्याम्पियन बन्ने मध्ये दुई टोली मात्र युरोपछि विश्वकपमा एकभन्दा बढी खेल जित्न सफल भएका छन् – पश्चिम जर्मनी (१९७४) र स्पेन आफैं (२०१०)। अर्थात्, १९७४ पछि युरो जितेर विश्वकप जित्ने एक मात्र टोली भनेको स्पेन  हो। तर सन् २०२४ को स्पेन पूरै फरक छ। लचिलो ४-३-३ वा ४-२-३-१ प्रणाली खेल्ने यो टोलीसँग डानी ओल्मो जस्तो विकल्प छ, जसले युरोको अन्तिम चरणमा निकै प्रभावकारी भूमिका खेलेका थिए।

स्पेनको पहिलो दुई खेल सहज छन्। यदि उनीहरूले दुवै जिते र विलियम्स तथा यामाल नक्नक पूर्ण फिट अवस्थामा नकआउट चरणमा फर्किए भने स्पेन दोस्रो विश्वकप जित्ने तेस्रो राष्ट्र बन्न सक्छ। तर पेनाल्टीको डर, चोटको अनिश्चितता र इतिहासको बाधा भने निश्चय नै पार गर्नुपर्नेछ।