काठमाडौं। नेकपा (एमाले)को संसदीय विभागको कार्यक्रम पार्टी केन्द्रीय कार्यालय च्यासलमा सुरु भएको छ।

कार्यक्रममा एमाले अध्यक्ष तथा पूर्वप्रधानमन्त्री केपी शर्मा ओलीले सम्बोधन गर्ने कार्यक्रम रहेको छ। साथै उनले संघीय संसद्का सांसदहरूलाई समसामयिक राजनीतिक अवस्था, संसदीय भूमिका र पार्टीको भावी रणनीतिबारे प्रशिक्षण दिनेछन्।

एमालेका संघीय सांसदहरू सहभागी रहेको कार्यक्रममा संसदीय गतिविधिलाई थप प्रभावकारी बनाउने, सरकार र प्रतिपक्षप्रति पार्टीको रणनीति तथा आगामी राजनीतिक कार्यदिशाबारे छलफल हुने बताइएको छ।

पार्टीले संसदीय भूमिका, नीति तथा जनसरोकारका विषयमा सांसदहरूलाई एकीकृत धारणा बनाउन नियमित रूपमा यस्ता प्रशिक्षण कार्यक्रम सञ्चालन गर्दै आएको छ।