काठमाडौं। नेपाली कांग्रेसले जननायक बीपी कोइरालाको ४४औँ स्मृति दिवसको अवसरमा जलवायु परिवर्तनप्रति जनचेतना फैलाउने उद्देश्यले काठमाडौं उपत्यकामा ‘ग्रिन रन’ आयोजना गरेको छ।

बुधबार बिहान आयोजित दौड कार्यक्रममा कांग्रेस सभापति गगनकुमार थापा, उपसभापति विश्वप्रकाश शर्मा लगायत पार्टीका नेता, कार्यकर्ता र शुभेच्छुकहरूको सहभागिता रहेको थियो।

कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा भएको ‘ग्रिन रन’मार्फत जलवायु परिवर्तनका चुनौतीबारे जनचेतना अभिवृद्धि गर्ने, वातावरण संरक्षणको सन्देश प्रवाह गर्ने तथा हरित जीवनशैलीलाई प्रोत्साहन गर्ने उद्देश्य राखिएको आयोजकले जनाएको छ।

बीपी स्मृति दिवसका अवसरमा कांग्रेसले देशभर विविध कार्यक्रम सञ्चालन गरिरहेको छ।

तस्वीरहरू: