काठमाडौं । शिक्षामन्त्री सस्मित पोखरेलविरुद्ध नाराबाजी गर्दै प्रदर्शनमा उत्रिएका पाँच जना युवालाई प्रहरीले नियन्त्रणमा लिएको छ।

त्रिभुवन विश्वविद्यालयको ६७औँ वार्षिक दिवस कार्यक्रममा शिक्षामन्त्री पोखरेल सहभागी हुन लागेका बेला कार्यक्रमस्थल बाहिर केही युवाले प्रदर्शन गरेका हुन्। प्रदर्शनकारीले ‘नेपो बेबी मुर्दावाद’ लगायतका नाराबाजी गर्दै शिक्षामन्त्रीको विरोध गरेका थिए।

प्रदर्शनका क्रममा सुरक्षामा खटिएको प्रहरीले पाँच जनालाई नियन्त्रणमा लिएको जनाएको छ। पक्राउ परेकाहरूको परिचय भने सार्वजनिक गरिएको छैन।

प्रदर्शनका कारण केहीबेर कार्यक्रमस्थल बाहिर तनावको अवस्था सिर्जना भए पनि प्रहरीले स्थिति नियन्त्रणमा लिएपछि कार्यक्रम पूर्वनिर्धारित तालिकाअनुसार सञ्चालन भएको थियो।

प्रहरीले घटनाबारे थप अनुसन्धान भइरहेको जनाएको छ। प्रदर्शनको कारण र प्रदर्शनकारीको मागबारे विस्तृत विवरण आउन बाँकी छ।