कञ्चनपुर। कञ्चनपुरको भीमदत्त नगरपालिका–३ भाँसीमा जुवातास खेलिरहेको अवस्थामा प्रहरीले आठ जनालाई पक्राउ गरेको छ।

जिल्ला प्रहरी कार्यालय कञ्चनपुरका अनुसार शनिबार दिउँसो एक घरमा जुवातास खेलिरहेको सूचना पाएपछि प्रहरी टोली उक्त स्थानमा पुगेको थियो। प्रहरीले घरमा छापा मार्दा जुवातास खेलिरहेको अवस्थामा आठ जनालाई नियन्त्रणमा लिएको हो।

पक्राउ पर्नेमा भीमदत्त नगरपालिका–१८ का ४० वर्षीय सुरेश चन्दसहित आठ जना रहेको प्रहरीले जनाएको छ।

प्रहरीले उनीहरूको साथबाट नगद १ लाख ६१ हजार रुपैयाँ र चार गड्डी तास बरामद गरेको छ।

पक्राउ परेकाहरूमाथि जुवासम्बन्धी कसुरमा आवश्यक अनुसन्धान अघि बढाइएको जिल्ला प्रहरी कार्यालयले जनाएको छ। घटनाबारे थप अनुसन्धान भइरहेको प्रहरीले जनाएको छ।