काठमाडौं। राष्ट्रिय प्रजातन्त्र पार्टी (राप्रपा)का पूर्वमहामन्त्री डा. धवलशमशेर राणा समर्थकसहित नयाँ राजनीतिक दल दर्ताका लागि निर्वाचन आयोग पुगेका छन्।

अभियन्ता तथा मेडिकल व्यवसायी दुर्गा प्रसाईंसँग शक्ति बाँडफाँटको विषयमा सहमति बन्न नसकेपछि राणा आफ्नो समूहसहित छुट्टै राजनीतिक दल गठन गर्ने तयारीमा अघि बढेका हुन्।

राणाले ‘जय नेपाल पार्टी’ नाममा नयाँ दल दर्ता गर्न लागेका छन्। दल दर्ताका लागि उनी समर्थकहरूसहित निर्वाचन आयोग पुगेका हुन्।

प्रसाईंसँग सहकार्य गर्दै नयाँ राजनीतिक शक्ति निर्माण गर्ने विषयमा छलफल भए पनि नेतृत्व र शक्ति बाँडफाँटलगायत विषयमा मतभेद भएपछि राणा अलग्गिएर आफ्नै समूह अघि बढाएका हुन्।

तस्वीरहरू: