काठमाडौं। राष्ट्रिय स्वतन्त्र पार्टी (रास्वपा)का सभापति रवि लामिछानेले बोलाएको बैठकमा सहभागी हुन पार्टीका मन्त्री तथा सांसदहरू संसदीय दलको कार्यालय पुगेका छन्।

बैठकमा सांसदहरूका पछिल्ला गतिविधिको समीक्षा, संसद्मा पार्टीको भूमिका तथा सरकारको कामकारबाहीका विषयमा छलफल हुने बताइएको छ।

बैठकमा पार्टीबाट सरकारमा सहभागी मन्त्रीहरूको भूमिकाबारे पनि समीक्षा हुने जनाइएको छ। पछिल्लो राजनीतिक अवस्था तथा आगामी दिनमा संसद्मा रास्वपाले अपनाउने रणनीतिबारे समेत छलफल हुने अपेक्षा गरिएको छ।