काठमाडौं – काठमाडौं उपत्यकामा ट्राफिक प्रहरीले पछिल्लो २४ घण्टामा ६३४ जना सवारी चालकलाई कारबाही गरेको छ।

आइतबार बिहानसम्म विभिन्न स्थानमा गरिएको ट्राफिक जाँचका क्रममा मादक पदार्थ सेवन गरी सवारी चलाउने ४८ जना, सिसिटिभीमार्फत ६८ जना र रातोबत्ती उल्लंघन गर्ने २९ जना चालक कारबाहीमा परेका छन्।

त्यस्तै, तीव्र गतिमा सवारी चलाउने ८२, हर्न निषेध उल्लंघन गर्ने २८, लेन क्रस गर्ने ६, अवस्था ठिक नभएको सवारी चलाउने २० र एकतर्फी सडक उल्लंघन गर्ने १२ जना चालकलाई पनि कारबाही गरिएको छ।

ट्राफिक प्रहरीका अनुसार अन्य कसुरमा ३४१ जना चालक कारबाहीमा परेका छन्।