बट्टार । नुवाकोटकाे बट्टारस्थित दम्कीमा भाेटेकाेशी-त्रिशूली बाढी प्रभावित नागरिकहरूलाई `नि:शुल्क खाना´ दिन थालिएको छ । नेशनल भाेलेन्टियर्स फाेर्सले बुधबारदेखि मानवीय सहायता गर्ने उद्देश्यले नि:शुल्क खाना दिन थालिएको हाे ।

फाेर्सका प्रमुख कमान्डर पुष्पराज श्रेष्ठले कम्तिमा एक महिनासम्म नि:शुल्क खाना खुवाउने बताए ।

‘बाढी प्रभावित हाम्रै दाजुभाइ दिदीबहिनीहरू महाविपत्तिमा पर्नुभयाे । उहाँहरूसँग यतिबेला केही पनि छैन,´ उनले नेपालवान एचडीसँग भने, `दु:खकाे याे बेला उहाँहरूलाई खाना खुवाएर सहायता गर्दैछाैं । हामी कम्तिमा एक महिना खाना खुवाउँछाैं । आवश्यक परे अझै बढी समय खाना खुवाउँछाैं ।’

उनका अनुसार बुधबारदेखि नै बाढी प्रभावित नागरिकहरूलाई खाना खुवाउन थालिएकाे छ ।खानाका लागि चामल, दाललगायतका खाद्य वस्तुहरू फाेर्समै आबद्ध युवा तथा केही दाताहरूले दिएकाे आर्थिक सहायताले खरिद गरिएको फाेर्सले जनाएको छ ।

फाेर्स नेकपा एमाले निकट संगठन हाे ।