काठमाडौं। एसटीसी ग्रुपले भोटेकोशी बाढीबाट प्रभावित नागरिकको राहत तथा पुनःस्थापनाका लागि ५० लाख १ हजार रुपैयाँ प्रधानमन्त्री दैवी प्रकोप उद्धार कोषमा सहयोग गरेको छ।

उक्त रकम अर्थमन्त्री डा. स्वर्णिम वाग्लेलाई हस्तान्तरण गरिएको हो। एसटीसी ग्रुपका आधिकारिक वितरक रहेको भारतीय भेरोक इन्टरनेशनलले समेत १० लाख रुपैयाँ सहयोग गरेको जनाएको छ।

एसटीसी नेपालका प्रबन्ध निर्देशक सुरेन्द्रकुमार उप्रेतीले विपद्को समयमा प्रभावित नागरिकको साथमा उभिनु सबैको साझा दायित्व भएकाले सहयोग गरिएको बताए। उनले राहत तथा पुनःस्थापनाका सरकारी प्रयासमा निजी क्षेत्रको सहकार्य आवश्यक रहेको बताए।