काठमाडौं । राष्ट्रिय स्वतन्त्र पार्टी (रास्वपा)का सांसद कमल सुवेदीले दाङमा तीन महिनादेखि खाना पकाउने ग्यासको अभाव रहेको भन्दै सरकारको ध्यानाकर्षण गराएका छन् ।

शुक्रबार प्रतिनिधिसभाको बैठकमा बोल्दै उनले लामो समयसम्म ग्यासको अभाव हुनु सामान्य समस्या नभएको बताए ।

सुवेदीले तत्काल बजार अनुगमन बढाएर ग्यासको आपूर्ति सहज बनाउन सरकारसँग माग गरे । साथै, कृत्रिम अभाव सिर्जना गर्ने र कालोबजारी गर्ने व्यवसायीमाथि कडा कारबाही गर्नुपर्ने उनको भनाइ छ ।

‘तीन महिनासम्म ग्यास नपाइनु सामान्य अवस्था होइन,’ उनले भने, ‘सरकारले तत्काल आपूर्ति सहज बनाओस्, बजार अनुगमन गरोस् र कालोबजारी तथा कृत्रिम अभाव सिर्जना गर्नेमाथि कारबाही गरोस् ।’