काठमाडौँ । पत्रकार सुरज सिंह ठकुरीले रसुवा बाढीपछि उद्धार गरिएका सञ्जय शाह र कबिर महर्जनको आईसीयूमै अन्तर्वार्ता लिएको विषय प्रतिनिधिसभामा उठेको छ।

मंगलबारको प्रतिनिधिसभा बैठकमा बोल्दै राष्ट्रिय स्वतन्त्र पार्टीकी सांसद समीक्षा बास्कोटाले आईसीयूमा उपचाररत बिरामीको स्वास्थ्य सुरक्षा र गोपनीयताबारे प्रश्न उठाएकी हुन्।

उनले आईसीयूमा उपचाररत बिरामीको अन्तर्वार्ता लिन मिल्ने वा नमिल्ने तथा त्यस्ता बिरामीको स्वास्थ्य सुरक्षालाई कसरी व्यवस्थित बनाउने भन्ने विषयमा सरकारको ध्यानाकर्षण गराइन्।

रसुवा बाढीपछि सुरुङबाट उद्धार गरिएका सञ्जय शाह र कबिर महर्जनको आईसीयूमै अन्तर्वार्ता लिइएको दृश्य सार्वजनिक भएपछि त्यस विषयमा सामाजिक सञ्जालमा समेत बहस भइरहेको छ।