काठमाडौं । विश्वकर्मा पूजा सम्पन्न भएसँगै विश्वकर्माको मूर्ति नदीमा विसर्जन गरिएको छ।

शुक्रबार काठमाडौंको चोभारस्थित बागमती नदीमा श्रद्धालुले विश्वकर्माको मूर्ति विसर्जन गरेका हुन्।

मूर्ति विसर्जनका क्रममा नदीमा हुने सम्भावित दुर्घटना रोक्न नेपाल प्रहरी र सशस्त्र प्रहरीले विशेष सुरक्षा व्यवस्था मिलाएका थिए।

श्रद्धालुहरू नदीमा प्रवेश गर्दा सुरक्षाकर्मीले निगरानी गरेका थिए।