काठमाडौं । त्रिभुवन अन्तर्राष्ट्रिय विमानस्थलबाट ६०५ ग्रामभन्दा बढी सुनसहित एक भारतीय र एक नेपाली नागरिक पक्राउ परेका छन्।

पक्राउ पर्नेमा भारतका ४२ वर्षीय मोहम्मद चेरा थोडी र बाराको पचरौता नगरपालिका-१ पिपरपाटीका ३३ वर्षीय अनिश अन्सारी रहेका छन्।

कतारको दोहाबाट काठमाडौं आएका थोडीलाई विमानस्थलको पार्किङ क्षेत्रबाट पक्राउ गरिएको प्रहरीले जनाएको छ। उनको साथबाट ५३६ ग्राम सुन बरामद भएको हाे ।

त्यस्तै, कतारबाटै आएका अन्सारीको साथबाट ६९.६ ग्राम सुन बरामद भएको प्रहरीले जनाएको छ।

बरामद सुनसहित दुवै जनालाई आवश्यक अनुसन्धानका लागि प्रहरी वृत्त गौशाला पठाइएको विमानस्थल सुरक्षा प्रहरी कार्यालयले जनाएको छ।