काठमाडौं । महिला ई-स्पोर्ट्स खेलाडीको प्रतिभा र क्षमता प्रवर्द्धन गर्ने उद्देश्यले आयोजना गरिएको राष्ट्रिय महिला पब्जी मोबाइल च्याम्पियनसिप २०२६ को फाइनल आज काठमाडौंमा हुँदै छ।

काठमाडौंको महाराजगन्जस्थित शुभ इन्टरटेनमेन्टमा हुने फाइनलमा उपाधिका लागि १६ महिला टोलीबीच प्रतिस्पर्धा हुनेछ। प्रतियोगितामा सुरुमा २४ टोली सहभागी थिए। उत्कृष्ट प्रदर्शन गरेका १६ टोली फाइनल चरणमा पुगेका हुन्।

प्रतियोगिताको कुल पुरस्कार राशि १ हजार अमेरिकी डलर रहेको आयोजकले जनाएको छ। महिला ई-स्पोर्ट्सको विकाससँगै नयाँ प्रतिभाको पहिचान र खेलाडीलाई राष्ट्रियस्तरको प्रतिस्पर्धात्मक अवसर उपलब्ध गराउने उद्देश्यले प्रतियोगिता आयोजना गरिएको हो।

साथै, फाइनलमा सहभागी खेलाडीलाई म्याक्स टाइगर इनर्जी ड्रिंकको ‘पावर प्याक’ ऊर्जाले थप उत्साह प्रदान गर्ने आयोजकको भनाइ छ।

प्रतियोगिताले नेपाली महिला ई-स्पोर्ट्स खेलाडीको क्षमता र सम्भावनालाई राष्ट्रियस्तरमा उजागर गर्न योगदान पुग्ने आयोजकले अपेक्षा गरेको छ।