काठमाडौं । रास्वपा सांसद खगेन्द्र सुनारले एक महिलालाई आपराधिक, अश्लिल र धम्कीपूर्ण अभिव्यक्ति दिएको अडियो सुनिएपछि पूर्वसांसद ईश्वरी जिएमले रगत उम्लिएर आएको बताएकी छन् ।

त्यस्तो अभिव्यक्ति दिनेलाई ‘माननीय पनि के भन्नु’ भन्दै उनले पीडित महिला र उनका छोरालाई तत्काल सुरक्षित ठाउँमा राख्न सरकारसँग माग गरिन् ।

नत्र अडियोमा फिल्मको खलनायक जसरी प्रस्तुत हुने मान्छे (सुनार)ले जे पनि गर्न गर्ने बताएकी छन् ।

उनले सांसद सुनारलाई कारबाहीको माग गर्दै पीडित महिला पूर्वमन्त्री र सांसद नै भए उनीमाथि पनि उनको दलले छानबिन गर्नुपर्ने धारणा राखिन् ।

‘अडियोको निष्पक्ष छानबिन गरेर दोषिलाई कारबाही गर्ने, पीडितलाई न्याय दिने कुरा त छँदैछ,’ उनले फेसबुकमा स्टाटस लेखेर भनिन्, ‘समाचारमा जनाइएअनुसार ती महिला साँच्चै पूर्वमन्त्री र सांसद जिम्मेवार व्यक्ति नै हुन् भने उनिमाथि पनि उनी सम्बद्ध दलले छानबिन गर्नुपर्दछ ।’

अडियो सुन्दा सांसद सुनार र ती महिलाको सम्बन्ध अलिक लामो समयदेखि रहँदै आएको र अन्तिममा सहन नसक्ने भएपछि मात्रै सार्वजनिक गरेको आफूलाई लागेको उनको भनाइ छ ।

छानबिनमा दुबैलाई तान्नुपर्ने बताउँदै जिएमले सुन्नै नसकिने बोलेका खगेन्द्रलाई उनको निर्वाचन क्षेत्रका बहुमत मतदाताले हस्ताक्षर अभियान चलाएर राजीनामा दिने वातावरण बनाउनुपर्ने बताइन् ।