जनकपुरधाम / मधेस प्रदेशको मुख्यमन्त्रीमा जसपाका सरोजकुमार यादवले दाबी पेश गरेका छन् ।

बुधबार दिउँसो प्रदेश प्रमुख हरिशंकर मिश्रसमक्ष यादवले ६३ सांसदको समर्थनसहित बहुमतको हस्ताक्षरसहित दाबी पेश गरेका हुन् ।  आजै यादवलाई मुख्यमन्त्री नियुक्त गर्ने तयारी छ ।

सातदलीय गठबन्धनमा मधेस प्रदेशमा पहिलो कार्यकाल जसपा र दोस्रो कार्यकाल जनमत पार्टीबाट मुख्यमन्त्री बन्ने सहमति छ ।

मधेश प्रदेशसभामा १०७ सांसद छन् । बहुमतका लागि ५४ सांसद आवश्यक पर्छ । सत्ता गठबन्धनमा रहेका नेकपा एमाले, जसपा, माओवादी केन्द्र, जनमत पार्टी, राप्रपा र नागरिक उन्मुक्ति पार्टी र तीन स्वतन्त्र सांसदसहित ६३ सांसदले समर्थन गरेका छन्।

प्रदेशका निवर्तमान सभामुखसमेत रहेका उनी बारा १ ९२० बाट निर्वाचित भएका हुन् ।