धनुषा– धनुषामा रेलले किचेर एक वृद्धको घटनास्थलमै मृत्यु भएको छ । आज बिहान जनकपुरधामबाट जयनगरका लागि छुटेको रेलको लिकमा किचिएर एक वृद्धको मृत्यु भएको हो ।

धनुषाको बैदेही स्टेशनदेखि करिब ५ सय मिटर पूर्वमा रेल्वे लिकमा किचिएर मृत्यु भएका वृद्धको पहिचान भने खुलेको छैन ।
कसरी दुर्घटना भयो भन्नेबारे केही नखुलेपनि प्रहरीले अनुसन्धान अघि बढाएको छ । शव पोस्टमार्टमका लागि जनकपुरधाम ल्याउने तयारी भइरहेको छ ।