काठमाडौँ, ३ पुस : एउटै व्यक्तिलाई पटक–पटक समावेशीताको आरक्षणमा अवसर दिन नहुनेमा जोड दिइएको छ । नेपाल आदिवासी जनजाति पत्रकार महासङ्घ (फोनिज) सङ्घीय समितिद्वारा आज आयोजित अन्तक्र्रियाका वक्ताहरूले आरक्षणमा अवसर दिनुपर्ने बताएका हुन् ।

राष्ट्रिय समावेशी आयोगका सदस्य हरिदत्त जोशीले धेरै पटक समावेशीताको प्रयोग गर्दा अवसर पाउनुपर्ने व्यक्ति वञ्चित हुनुपरेको बताउनुभयो । उहाँले लोकसेवा आयोगका विज्ञापन, शिक्षक सेवा आयोग, निर्वाचनमा समानुपातिक प्रतिनिधित्वजस्ता क्षेत्रमा एउटै व्यक्ति समावेशीताको अवसरको दुरुपयोग गरेको बताउनुभयो ।

राष्ट्रिय मुस्लिम आयोगका सदस्य मिर्जाअरशद बेगले मुस्लिम महिलालाई आयोगको सदस्यमा नियुक्ति गर्नुपर्ने बताउनुभयो । दलित आयोगका सदस्य मेहेल पार्कीले आरक्षण हटाउनु भनेको पिछडिएका वर्गलाई झन् पछिपर्ने खेल भइरहेको बताउनुभयो ।

टिप्पणीकर्ता सालिक सुवेदीले समावेशीतामा खस आर्यले आरक्षणको दुरुपयोग गरेको बताउनुभयो । प्रतिनिधिसभामा खस आर्य समुदायले आरक्षणको दुरुपयोग गरेको बताउनुभयो । अर्का टिप्पणीकर्ता जेबी विश्वकर्माले समावेशी आयोगमा तरमारा मध्यम वर्गले अरक्षण लिएर निम्न वर्गको स्थान ओगटेको आरोप लगाउनुभयो ।

कैलाश राईले कार्यपत्र प्रस्तुत गर्दै अब आउने निर्वाचनमा समतामूलक सामाजिक न्यायको प्रत्याभूतिको यात्रामा एक साझा र आधारभूत राजनीतिक औजाररुपमा बहस हुन जरुरी रहेको बताउनुभयो ।