काठमाडौं । मेडिकल व्यवसायी दुर्गा प्रसाईंलाई थप तीन दिन हिरासत राख्न अदालतले अनुमति दिएको छ । जिल्ला अदालत काठमाडौंले प्रसाईंलाई आइतबार थप तीन दिन थुनामा राख्न अनुमति दिएको हो । प्रसाईंविरुद्ध विद्युतीय कसुरको अपराधमा प्रहरीले अनुसन्धान गरिरहेको छ ।

यसैगरी प्रहरीको केन्द्रीय अनुसन्धान ब्यूरो (सीआईबी)मा उनीविरुद्ध पक्राउ पुर्जी जारी भएको छ । व्यवसायीहरुलाई धम्कयाएको कसुरमा पक्राउ परेका झापाका हरिचन्द्र फुयाँलसँग प्रसाईंको कनेक्सन देखिएपछि उनीविरुद्ध पनि आपराधिक लाभको कसुरमा पक्राउ पुर्जी जारी भएको छ ।

प्रसाईंले प्रधानमन्त्री केपी शर्मा ओलीले कम्बोडिया लगानी गरेको भन्दै अफवाह फैलाएपछि उनी पक्राउ परेका हुन् ।