उम्मेदवारको विरोधमा उजुरी दिने म्याद असोज २२ गते दिउँसो ३ बजेसम्म हुनेछ भने सोही उजुरीको जाँचबुझपछि असोज २३ गते बेलुका ७ बजेसम्म अन्तिम सूची प्रकाशन गरिनेछ । नाम फिर्ता असोज २४ गते दिउँसो १ बजेभित्र गर्न सकिनेछ । त्यही दिन अन्तिम उम्मेदवार सूची प्रकाशन तथा निर्वाचन चिह्न वितरण गरिनेछ । मतदान कात्तिक १७ गते बिहान ७ देखि बेलुका ५ बजेसम्म हुनेछ ।

समानुपातिक प्रणालीतर्फ बन्दसूचीमा रहेका व्यक्तिहरू उम्मेदवार बन्न नपाउने कानुनी प्रावधानबारे पनि आयोगले जानकारी गराएको छ ।

राष्ट्रिय प्रजातन्त्र पार्टीबाट उक्त क्षेत्रबाट निर्वाचित सांसद दीपक बोहराको गत चैत १९ मा निधन भएपछि उक्त क्षेत्र खालि छ । २०७९ को निर्वाचनमा बोहराले कांग्रेस नेता बालकृष्ण खाँणलाई पराजित गरेका थिए ।