वासिङ्टन । अमेरिकी राष्ट्रपति डोनाल्ड ट्रम्पले आफ्ना विशेष दूत स्टिभ विटकोफले आगामी साता रुसको भ्रमण गर्ने पुष्टि गरेका छन् ।

पत्रकारसँग कुरा गर्दै ट्रम्पले रुसका पूर्वराष्ट्रपति दिमित्री मेदभेदेवसँग अनलाइन विवादपछि आफूले तैनाथ गरेका दुई आणविक पनडुब्बी अहिले ‘यस क्षेत्रमा’ रहेको बताएका छन् ।

राष्ट्रपति ट्रम्पले आणविक शक्ति सम्पन्न पनडुब्बी वा आणविक हतियारले सुसज्जित पनडुब्बी किन त्यहाँ राखिएको हो भन्नेबारे भने केही बताएको छैन । उनले अमेरिकी सेनाले गोप्य राखेका स्थानका बारेमा पनि विस्तृत जानकारी दिएनन् ।

उनले अर्को हप्ताको अन्त्यमा रुसलाई युक्रेन युद्ध अन्त्य गर्ने दिशामा कदम चाल्न वा अनिर्दिष्ट नयाँ प्रतिबन्धहरूको सामना गर्न समयसीमा तोकेका पृष्ठभूमिमा आणविक आक्रमण भएको हो।

रिपब्लीकन नेता ट्रम्पले आफ्ना विशेष दूत विटकोफले सम्भवतः अर्को हप्ताको बुधबार वा बिहीबार रूस भ्रमण गर्ने बताएका छन् ।

रुसी राष्ट्रपति भ्लादिमिर पुटिनले क्रेमलिनसँग सम्बन्ध सुधार्ने ट्रम्पको प्रयास विफल हुनुअघि मस्कोमा विटकोफसँग धेरै पटक भेट गरिसकेका छन् ।

मस्कोका लागि विटकोफको सन्देश के हुनेछ र प्रतिबन्धबाट बच्न रुसले केही गर्न सक्छ कि सक्दैन भनी पत्रकारहरूले राखेको प्रश्नमा राष्ट्रपति ट्रम्पले भने, “हो, मानिसहरू मारिनबाट जोगाउन एउटा सम्झौता गरियोस् भन्ने अमेरिकाको धारणा रहेको छ ।”

– ‘अतिरिक्त कर वृद्धि’ –

यसअघि ट्रम्पले रुसका बाँकी व्यापार साझेदार चीन र भारतलाई लक्षित गरी नयाँ कदम चाल्नुको अर्थ ‘अतिरिक्त कर लागु’ हुन सक्ने बताएका छन् । यसले रुसलाई थप दबाब दिनेछ तर यसले महत्त्वपूर्ण अन्तर्राष्ट्रिय व्यवधानको जोखिम ल्याउनेछ ।

वासिङ्टनको दबाबका बावजुद रुसले युक्रेनविरुद्ध आक्रमण जारी राखेको छ ।

युद्धविरामको आह्वानलाई निरन्तर अस्वीकार गर्दै आएका पुटिनले शुक्रबार आफू शान्ति चाहेको तर करिब साढे तीन वर्षको आक्रमण अन्त्य गर्ने आफ्नो माग ‘अपरिवर्तित’ रहेको बताएका छन् ।

पुटिनले भने, “हामीलाई ठोस जगमा स्थायी र स्थिर शान्ति चाहिएको छ जसले रुस र युक्रेन दुवैलाई सन्तुष्ट पार्नेछ र दुवै देशको सुरक्षा सुनिश्चित गर्नेछ ।”

यद्यपि, उनले थपे, “रुसी पक्षबाट अवस्था उस्तै छ।”

रुसले युक्रेनलाई मस्कोले कब्जा गरेको दाबी गरेका चार वटा क्षेत्रको नियन्त्रण प्रभावकारी रुपमा फिर्ता गर्न बारम्बार आग्रह गर्दै आएको छ।

पुटिनले युक्रेनले नेटोमा सामेल हुने आफ्नो महत्वाकाङ्क्षा त्यागेर जाओस् भन्ने चाहेको छ । युक्रेनले सन् २०१४ को शीतकालीन ओलम्पिकको आयोजक शहर सोचीमा रहेको तेल डिपोमा आइतबार ड्रोन आक्रमण गरेको छ ।

हालैका हप्ताहरूमा युक्रेनी भूमिमा रुसी आक्रमणका कारण दर्जनौँ सर्वसाधारणको मृत्यु भएपछि प्रतिक्रियास्वरूप किएभले रुसविरुद्ध हवाई आक्रमण तीव्र पार्ने बताएको छ ।

रुसको रक्षा मन्त्रालयले सोमबार राति युक्रेनका ६१ वटा ड्रोनलाई रोकेको जनाएको छ । युक्रेनको सैन्य प्रशासनले दक्षिणी खेरसन क्षेत्रमा रुसी गोलाबारीमा परी एक व्यक्तिको मृत्यु भएको जनाएको छ ।

युक्रेनका राष्ट्रपति भोलोदिमिर जेलेन्स्कीले जुलाईमा इस्तानबुलमा रुससँग भएको वार्तापछि एक हजार २०० युक्रेनी सैनिकलाई स्वदेश फर्काउने गरी दुवै पक्षले कैदी आदानप्रदानको तयारी गरिरहेको बताएका छन् ।

सन् २०२२ को फेब्रुअरीमा रुसले युक्रेनमाथि आक्रमण गरेपछि सुरु भएको युक्रेनमा जारी युद्ध चाँडै अन्त्य हुने ट्रम्पले बताउँदै आएका छन् तर आक्रमणमा कमी आएको देखिँदैन । हालैका हप्ताहरूमा मस्कोको निरन्तर आक्रमणलाई लिएर पुटिनसँगको सम्बनधमा ट्रम्पले निराशा व्यक्त गर्दै आएका छन् ।