काठमाडौं । जनेजीको आन्दोलनका क्रममा आगजनीमा परेको भैंसेपाटीस्थित मन्त्री निवासमा रहेका २७ भवनमध्ये एउटा मात्रै सुरक्षित रहेको पाइएको छ । रक्षा मन्त्री मानवीर राई बसिरहेको भवनलाई आन्दोलनकारीे छोडिदिएका हुन् ।

आज नयाँ सरकारका तीनजना मन्त्रीहरु भैंसेपाटीको मन्त्री निवास अवलोकनमा गए । यस क्रममा रक्षामन्त्री बस्ने भवन मात्रै सुरक्षित रहेको पाइएको छ । बाँकी २६ वटा भवनमा आगो लगाइएको थियो । यद्यपि, ती भवनहरु पूर्ण क्षति भने भएका छैनन् । बाहिरी संरचना जले पनि मर्मत सम्भार गरेर चलाउन सकिने खालका रहेको पाइएको छ ।

मन्त्री क्वाटर नहुँदा हाल सरकारका तीन मन्त्रीहरु आआफ्नै घरमा बसिरहेका छन् ।