काठमाडौं । जेनजी आन्दोलनका क्रममा आगजनीमा परेको काठमाडौँको नक्सालस्थित व्यापारिक भवन भाटभटेनी भत्किन थालेको छ ।आगलागीले ध्वस्त भवन भत्किएर जोखिम बढ्न थालेपछि आज बिहानैदेखि भग्नावशेष हटाउन थालिएको छ ।

गत भदौ २३ र २४ गते भएको जेनजी आन्दोलनका क्रममा काठमाडौँ उपत्यकासहित देशका विभिन्न स्थानमा रहेका भाटभटेनी भवनमा पनि तोडफोड र आगजनी गरिएका थिए । आगजनीबाट भाटभटेनीको ठूलो क्षति भएको छ ।