काठमाडौं । राष्ट्रिय स्वतन्त्र पार्टी (रास्वपा) की नेतृ तोसिमा कार्कीले नयाँ पुस्ताका राजनीतिक शक्तिहरूलाई एकताबद्ध हुन आग्रह गरेकी छन् । उनले सामाजिक सञ्जालमार्फत देश निर्माणका लागि अब अलमल नगरी एउटै मोर्चामा उभिनु पर्ने आवश्यकता औंल्याएकी हुन् ।

कार्कीले सामाजिक सञ्जाल फेसबुकमा लेखेकी छन्, ‘अलमल गर्ने समय छैन । नो इफ, नो बट्स ! नयाँ भन्नेहरू एक ढिक्का हुनैपर्छ । देश बनाउने नै हो भने मत क्रान्तिको लागि एकै ठाउँ उभिन नयाँ भन्नेहरू, रास्वपालगायत सबैले आ–आफ्नो हठ त्याग्नै पर्छ ।’ उनले राजनीतिक हठ र व्यक्तिगत स्वार्थले नयाँ सोचका शक्तिहरू टुक्रिँदै गएको उल्लेख गर्दै व्यङ्ग्यात्मक शैलीमा लेखेकी छन्–‘हठकै राजा महाराजा हुनुथ्यो त ओली छँदै थिए नि !’