काठमाडौं । निवर्तमान प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले राजीनामा माग्ने केन्द्रीय सदस्यलाई सानो टुक्रो आन्दोलन बोकेर ल्याएको हुँ, काँधमा अझै जिम्मेवारी छ भन्ने जबाफ फर्काएका छन् । आज (शुक्रबार) केन्द्रीय कमिटी बैठकमा राजनीतिक प्रतिवेदनमा सदस्य एवम् पदाधिकारीहरूले उठाएका प्रश्नहरूको जबाफ दिने क्रममा उनले राजीनामाबारे महाधिवेशनमा छलफल गर्ने बताएका हुन् ।

‘केही साथीले राजीनामा माग्नु भएको छ । ५५ वर्षदेखि एउटा सानो टुक्रो आन्दोलन बोकेर ल्याएको हुँ । मेरो काँधमा जिम्मेवारी छ । त्यो पूरा नगरी छोड्दिनँ । मेरो राजीनामा महाधिवेशनमा छलफल गरौंला । त्यहाँ छलफल होला । प्रतिनिधिहरूसँग फैसला माऔंला । उनले पार्टीलाई तिक्ततामा नलग्न पनि अनुरोध गरेका छन् । ‘मित्रता साथ जाऔं,’ उनले भने ।