काठमाडौं । गायक बबुल गिरीको अनामनगरस्थित स्टुडियोमा एक युवतीले आत्मदाहको प्रयास गरेकी छन् । युवतीले आत्मदाहको गरेपछि प्रहरीले उद्धार गरेको छ । शनिबार दिउँसो स्टुडियोमै युवतीले आफूलाई जलाउनका लागि पेट्रोल खन्याएकी थिइन् ।

जिल्ला प्रहरी परिसर, काठमाडौंका प्रवक्ता एसपी पवन भट्टराईका अनुसार आगो लागेकै अवस्थामा प्रहरीले उनलाई उद्धार गरी कीर्तिपुरस्थित जलन उपचार अस्पताल लगेको छ । घटनाको कारण खोजी हुने र कोही दोषी भए कानूनी कारवाही हुने प्रवक्ता भट्टराईले जानकारी दिए ।

आत्मदाह प्रयास गर्ने अन्दाजी ३० वर्षीया युवती गायिका नितु पौडेल रहेको स्थानीयले जानकारी दिएका छन् । युवतीको स्थिति हालसम्म सामान्य रहेको छ । उनको साथमा गायक गिरी पनि अस्पताल जाँदैछन् ।