काठमाडौं । प्रधानमन्त्री सुशीला कार्कीले नागरिक समाजका अगुवा प्रतिनिधिहरूसँग अन्तरक्रिया गरेकी छन् । प्रधानमन्त्री तथा मन्त्रिपरिषद्को कार्यालय सिंहदरबारमा छलफल चलिरहेको छ । छलफलमा नागरिक समाजका अगुवा-प्रतिनिधिहरु इन्द्र अधिकारी, सुवोधराज प्याकुरेल, जेबी विश्वकर्मा, केदार भक्त माथे, स्टेला तामाङ, विजयकान्त कर्ण, गीता शर्मा, दोभान राई सहभागी छन् ।

यस्तै, विजय तिमल्सिना, खगेन्द्र सङ्ग्रौला, तुलानारायण साह, रेवती कार्की, शिशिर उप्रेती, दीपेन्द्र घिमिरे, राजुप्रसाद चापागाईलगायत सहभागी छन् । छलफलमा जेनजीको माग सम्बोधन, आगामी चुनावको तयारीलगायतको विषयमा छलफल हुने जनाइएको छ । यसअघि प्रधानमन्त्री कार्कीले विभिन्न राजनीतिक दलका नेता, प्रदेश तथा स्थानीय तहका प्रमुख र जेनजी अगुवालगायतसँग छलफल गरेकी थिइन् ।