काठमाडौं । काठमाडौं महानगरपालिकाका नगर प्रमुख बालेन्द्र साह (बालेन) र राष्ट्रिय स्वतन्त्र पार्टी (रास्वपा) सभापति रवि लामिछानेबीच भेटवार्ता भएको छ ।भेटवार्तामा उपसभापति डिपी अर्याल पनि सँगै रहेको जनाइएको छ । रास्वपा नेता असिम शाहको कमलपोखरीस्थित घरमा वान टु वान वार्ता भइरहेको छ ।

राजनीतिक विषय र भावी योजनाका विषयमा दुईबीच छलफल जारी रहेको बताइएको छ । शनिबार जेलमुक्त भएपछि लामिछानेले राजनीतिक सक्रियतालाई तीव्रता दिएका छन् । लामिछाले आइतबार प्रधानमन्त्री सुशीला कार्कीसँग भेटवार्ता गरेका थिए । त्यसक्रममा उनले वर्तामान सरकारलाई रास्वपाको साथ रहेको बताएका थिए । सहकारी ठगी प्रकरणमा कारागारबाट रिहा भएपछि रविले आफ्नो पहिलो राजनीतिक भेटघाट बालेन्द्रबाट सुरु गरेका हुन् ।