यथास्थितिमा चुनावमा जान सक्दैनौँ : सोम शर्मा
Nepal One HD ८ पुष २०८२ १८:३८
काठमाडौँ । सामाजिक अभियन्ताका रुपले परिचित तथा जेन-जी अगुवा सोम शर्माले जेनजी आन्दोलनका माग पुरा नभइ चुनावमा जान नसक्ने बताएका छन् । मंगलबार जेनजी फोर्सले नेसनल प्रेस क्लब नेपालमा गरेको पत्रकार सम्मेलनमा बोल्दै उनले यस्तो बताएका हुन् ।
उनले भदौ २३ र २४ गतेको जेन-जी आन्दोलन सुशासनका लागि भएपनि वर्तमान सुशिला कार्की नेतृत्वको सरकारले त्यो मागमा ठोस काम गर्न नसकेकाले हामी हाम्रा मागलाई छाडेर चुनावमा जान नसक्ने बताएका हुन् । साथै, उनले वर्तमान सरकारले जेन-जी आन्दोलनमा सहभागी भएका आन्दोलनकारीलाई अपराधी झैँ पक्रिरहेको प्रति आपत्ति जनाए ।
‘सहिदका सपना उस्तै छन्, घाईतेका घाउ उस्तै छन् तर सरकारले हाम्रा साथीहरुलाई पक्राउ गरिरहेको छ,’ शर्माले भने, ‘यो प्रवृत्तिका विरुद्ध हामी सबै मिलेर लड्छौ ।’
साथै, शर्माले विदेशमा भएका सबै नेपालीले चुनावमा मतदान गर्न पाउनुपर्ने र आउदो चुनावमा ‘नो भोट’ प्रणाली पनि लागु गरिनुपर्नेमा पनि जोड दिए।
