काठमाडौं । अधिवक्ता स्वागत नेपाल नेतृत्वको उन्नत लोकतान्त्रिक पार्टी (एडभान्स डेमोक्रेटिक पार्टी) ले फागुन २१ गते हुने प्रतिनिधि सभा निर्वाचनका लागि समानुपातिकतर्फको बन्दसूची पेश गरेको छ । सोमबार उन्नत लोकतान्त्रिक पार्टीले समानुपातिकको बन्द सूची आयोगमा बुझाएको हो । राजालाई भोट हाल्न चाहनेका लागि खुला किताब चिह्न लिएर सो पार्टीले समानुपातिकको बन्दसूची बुझाएको सो दलका अध्यक्ष अधिवक्ता स्वागत नेपालले जानकारी दिए ।

‘मुखमा पार्टी भए पनि राजाका लागि भोट हाल्ने मन भएकाका लागि साझा चिह्न चाहियो भनेर राजसंस्थावादीको सल्लाह भएर खुला किताब चिह्नसहित आयोगमा आएका हौं’, नेपालले भने । २०७९ सालको चुनावमा झापा २ बाट स्वतन्त्र चुनाव लडेका नेपालले आफू यस पटक पनि सोही ठाउँबाट प्रत्यक्ष चुनाव लड्ने बताए । प्रतिनिधि सभाको सभामुख बनेका देवराज घिमिरेसँग उनी झिनो मतले पराजित भएका थिए ।